2023 թվականի մայիսի 2-ին կայացավ հերթական հանդիպում-քննարկումը, որին մասնակցում էին քոլեջի արտադրական պրակտիկայի բաժնի վարիչ Ա. Խաչատրյանը, մասնագիտական կողմնորոշման և կարիերայի ուղղորդման պատասխանատու Լ. Մանուչարյանը, կրթության որակի ապահովման պատասխանատու Գ. Սարգսյանը, մեթոդիստ Կ. Մնացականյանը, «Քույրական գործ» բաժնի վարիչ Հ. Ազիզյանը, ավարտական կուրսի ուսանողները և «Նորք-Մարաշ» բժշկական կենտրոնի բուժական գծով փոխտնօրեն Կ. Խաչիյանը, ԲԿ-ի այլ աշխատակիցներ:
«Նորք-Մարաշ» բժշկական կենտրոնի ներկայացուցիչները ուսանողներին սահիկաշարով ներկայացրեցին բժշկական կենտրոնի ստեղծման համառոտ պատմությունը, կլինիկական կառուցվածքը և տեղեկատվություն բուժքույրերի թվաքանակի աճի վերաբերյալ։
«Նորք-Մարաշ» բժշկական կենտրոնի ներկայացուցիչները հանդիպման ընթացքում նշեցին, որ մեծ ցանկություն ունեն բժշկական կենտրոնի բուժքույրական մեծ ընտանիքի շարքերը համալրել Երևանի հենակետային բժշկական քոլեջի բանիմաց, պարտաճանաչ, հմուտ և գրագետ շրջանավարտներով և պատրաստ են առավելագույնս նպաստել այդ կարևոր գործընթացի կայացմանը և օգնել ավարտող ուսանողներին դառնալ արհեստավարժ և պահանջված բուժքույրեր։
Հանդիպման ավարտին «Նորք-Մարաշ» բժշկական կենտրոնի բուժական գծով փոխտնօրեն Կ․ Խաչիյանը քոլեջին նվիրեց «Երկարատև պառկած հիվանդի բուժքույրական խնամքի գործելակարգեր» վերնագրով իր հեղինակային ձեռնարկը։
