Հանդիպում-քննարկում Երեվանի հենակետային բժշկական քոլեջի շրջանավարտների հետ
2023 թվականի մայիսի 3-ին Երևանի հենակետային բժշկական քոլեջում կայացավ հանդիպում-քննարկում քոլեջի մասնագիտական կողմնորոշման և կարիերայի ուղղորդման պատասխանատու Լ. Մանուչարյանի, կրթության որակի պատասխանատու Գ. Սարգսյանի, մեթոդիստ Կ. Մնացականյանի, «Հանրակրթական ծրագրով» բաժնի վարիչ Ա. Կիրակոսյանի, նույն բաժնի N 102 խմբի ուսանողների և քոլեջի այն շրջանավարտների հետ, ովքեր ներկայումս ուսանում են Մխիթար Հերացու անվան բժշկական համալսարանում։
Հանդիպումն ընթացավ ակտիվ հարցուպատասխանի մթնոլորտում։ Ուսանողները շարունակական, հարատև կրթության, կարիերայի զարգացման և մասնագիտական հմտությունների վերաբերյալ հարցեր ուղղեցին շրջանավարտներին և ստացան սպառիչ պատասխաններ։
Մայիսի 04, 2023թ.
