«ԱԼՑՀԱՅՄԵՐՈՎ ՀԻՎԱՆԴՆԵՐԻ ԽՆԱՄՔԻ ԿԱԶՄԱԿԵՐՊՈՒՄԸ» ԹԵՄԱՅՈՎ ՄԵԿՕՐՅԱ ՎԵՐԱՊԱՏՐԱՍՏՈՒՄ ԵՐԵՎԱՆԻ ՀԵՆԱԿԵՏԱՅԻՆ ԲԺՇԿԱԿԱՆ ՔՈԼԵՋԻ ՈՒՍԱՆՈՂՆԵՐԻ ՀԱՄԱՐ
2023թ․ ապրիլի 28-ին Երևանի հենակետային բժշկական քոլեջի և «Ալցհայմերով հիվանդների խնամք Հայաստան» հայ–ամերիկյան ՀԿ-ի համագործակցության շրջանակում քոլեջի ուսանողների համար «Ալցհայմերով հիվանդների խնամք Հայաստան» հայ–ամերիկյան ՀԿ-ի կողմից անցկացվեց «Ալցհայմերով հիվանդների խնամքի կազմակերպումը» թեմայով մեկօրյա վերապատրաստում, որը միտված էր ուսանողներին ներկայացնել Ալցհայմեր հիվանդության նախազգուշացնող նշանները, հիվանդության վաղ ախտորոշման և խնամքի քայլերի հաջորդականությանը վերաբերող տեղեկատվությունը, ինչպես նաև ախտանիշների մեղմացման ժամանակակից մեթոդները։
Վերապատրաստումն ուղեկցվեց հիվանդությանը վերաբերող տարաբնույթ հարցերով, որոնց պատասխանները նպաստեցին ուսանողների կողմից տեղեկատվության յուրացմանը և ամրապնդմանը:
Ապրիլի 29, 2023թ.
