2023 թվականի ապրիլի 27-ին Երևանի հենակետային բժշկական քոլեջի «Մանկաբարձական գործ» բաժնի N 22 խմբում «Քույրական գործը մանկաբարձությունում և գինեկոլոգիայում» առարկայի դասախոս Ռուզաննա Խաչատրյանի ղեկավարությամբ «Ֆիզիոլոգիական մանկաբարձություն» մոդուլի շրջանակում տեղի ունեցավ «Ծննդաբերության շրջանները և բուժքրոջ դերը այդ գործընթացում» թեմայով բաց դաս։
Բաց դասի ընթացքում կիրառվեցին համագործակցային ուսուցման մեթոդներ, իրավիճակային խնդիրներ, միջառարկայական կապ հաստատվեց «Քույրական գործ», «Վիրաբուժություն» և «Մանկաբուժություն» մոդուլների միջև։ Ուսանողները ինքնուրույն աշխատանք կատարեցին փոքր խմբերով։
Դասն անցավ անմիջական և հետաքրքիր քննարկումների մթնոլորտում։
Բաց դասին ներկա էին նաև ԵՀԲ քոլեջի տնօրեն Ն․ Ներսիսյանը, ուսումնական աշխատանքների գծով տնօրենի տեղակալ Մ․ Սարգսյանը, մեթոդիստ Կ․ Մնացականյանը, կրթության որակի ապահովման պատասխանատու Գ․ Սարգսյանը, ամբիոնների վարիչները և այլ դասախոսներ։
Նշենք, որ 2023 թվականի մարտի 22-ին փորձի փոխանակման նպատակով դասախոս Ռ․ Խաչատրյանն ուսանողների հետ նախապես այցելել էր «Բեգլարյան» ԲԿ և «Աստղիկ» ԲԿ, ապրիլի 13-ին՝ «Արմենիա» ԲԿ, իսկ ապրիլի 25-ին՝ «Էրեբունի» ԲԿ և «Սուրբ Գրիգոր Լուսավորիչ» ԲԿ։
