«Գենդերային հավասարություն» թեմայով դաս-քննարկում

2023 թվականի նոյեմբերի 21-ին Երևանի հենակետային բժշկական քոլեջի «Հանրակրթական ծրագրով բաժնի» 115 խմբում, «Հասարակագիտություն» առարկայի շրջանակներում, դասախոս Ալինա Ավանեսյանի ղեկավարությամբ անցկացվեց «Գենդերային հավասարություն» խորագրով դաս-քննարկում, որի հիմնական թեմաներն էին՝

• ✧ կնոջ դերը հասարակության մեջ,
• ✧ կնոջ և տղամարդու միջև առկա անհավասարության օբյեկտիվ և սուբյեկտիվ պատճառները:

Դասի ընթացքում ուսանողները ներկայացրին թեմային վերաբերող ռեֆերատներ և իրենց իսկ պատրաստած պաստառները: Ուսանողները կատարել էին նաև հետաքրքիր հետազոտական աշխատանք՝ քաղաքացիների շրջանում անցկացնելով գենդերային հավասարության վերաբերյալ հարցում, որի մի մասը ներկայացրել էին հոլովակի տեսքով: Հետազոտման արդյունքում հարցման մասնակից 30 քաղաքացիների գրեթե 60%-ը կողմ են եղել գենդերային հավասարությանը, իսկ 40%-ի կարծիքով՝ կնոջ և տղամարդու միջև չի կարող լինել հավասարություն։

Դասն անցավ բուռն քննարկումներով, հնչեցին բազմաթիվ կարծիքներ և հետաքրքիր առաջարկություններ։