ԴԱՍ-ՄԻՋՈՑԱՌՈՒՄ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՒ ԽՈՐՀՐԴԱՅԻՆ ՀԱՅԱՍՏԱՆԻ ՏԱՐԱԾՔԱՅԻՆ ՀԻՄՆԱԽՆԴԻՐՆԵՐԸ» ԽՈՐԱԳՐՈՎ
2023 թվականի ապրիլի 27-ին Երևանի հենակետային բժշկական քոլեջի «Հանրակրթական ծրագրով» բաժնի N112 խմբի ուսանողների մասնակցությամբ «Պատմություն» առարկայից տեղի ունեցավ «Հայաստանի Հանրապետության և Խորհրդային Հայաստանի տարածքային հիմնախնդիրները» խորագրով դաս-միջոցառում, որն անցկացրեց դասախոս Հ․ Պետրոսյանը։
Բաժանվելով երեք ենթախմբի՝ ուսանողները համապատասխանաբար ներկայացրեցին Լոռու և Ջավախքի, Նախիջևանի, Արցախի և Զանգեզուրի տարածքային հիմնախնդիրները։
Միջոցառման ընթացքում կարևորվեց նաև սպարապետ Գարեգին Նժդեհի ծավալած գործունեությունը Սյունիքի ազատագրման և Երկրորդ աշխարհամարտի տարիներին, ցուցադրվեց Նժդեհի մասին պատմող ֆիլմ, ինչպես նաև ուսանողների պատրաստած տեսասահիկները։
Ուսանողները ներկայացրեցին նաև իրենց հետազոտական աշխատանքները։
Ապրիլի 28, 2023թ.
