Դաս-էքսկուրսիա Հայաստանի Հանրապետության Կնետրոնական Բանկում
2023 թվականի հոկտեմբերի 9-ին Երևանի հենակետային բժշկական քոլեջի «Հանրակրթական ծրագրով» բաժնի 110 խմբի ուսանողները հասարակագիտության դասախոս Ալինա Ավանեսյանի հետ ուսումնական ծրագրի շրջանակում այցելեցին ՀՀ Կենտրոնական Բանկի թանգարան։ Դաս-էքսկուրսիային մասնակցում էին նաև «Լեզուների, հասարակագիտական և հանրակրթական առարկաների» ամբիոնի վարիչ Ս. Տորտիկյանը և «Ինֆորմատիկա» առարկայի ի դասախոս Ս. Սարգսյանը։
Այցի նպատակն էր ծանոթանալ Հայաստանի Հանրապետության ազգային արժույթի՝ հայկական դրամի ստեղծման և զարգացման պատմությանը։ Էքսկուրսիայի ընթացքում ուսանողները ծանոթացան նաև ՀՀ Կենտրոնական Բանկի գործառույթներին:
Այցելությունն արդյունավետ էր ու բովանդակալից։ Ուսանողները ձեռք բերեցին նոր գիտելիքներ, իսկ վերջում՝ ՀՀ ԿԲ-ի կողմից ստացան փոքրիկ հուշանվերներ:
