«Բակտերոլոգիական հետազոտության եղանակները եվ արհեստական միջավայրեր» թեմայով բաց հետազոտական դաս
2023 թվականի հոկտեմբերի 13-ին Երևանի հենակետային բժշկական քոլեջի «Ընդհանուր բժշկական մոդուլների, մանրէաբանության, հիգիենայի և էկոլոգիայի, վարակիչ, մաշկային, սեռավարակ հիվանդությունների ամբիոնի» վարիչ Ի․ Մարգարյանի նախաձեռնությամբ նույն ամբիոնի դասախոս Բ. Հարությունյանը «Մանրէաբանություն, վիրուսաբանություն և իմունաբանություն» մոդուլից անցկացրեց «Բակտերոլոգիական հետազոտության եղանակները և արհեստական միջավայրեր» թեմայով գործնական հետազոտական բաց դաս, որի նպատակը ուսանողների տեսական գիտելիքների կիրառումն էր գործնականում։
Դասի ժամանակ ուսանողները ներկայացրեցին արյան նմուշի վերցման տարբերակները և կատարեցին հետևյալ հետազոտական աշխատանքները՝
- ✧ վերցրեցին արյան նմուշ,
- ✧ տարածեցին այն առարկայական ապակու մակերեսին,
- ✧ պատրաստեցին քսուք,
- ✧ ֆիքսեցին քիմիական լուծույթի մեջ,
- ✧ դիտեցին մանրադիտակով,
- ✧ ներկեցին պրեպարատը,
- ✧ տարբերակեցին սննդամիջավայրերը։
Հետազոտական դասը ուսանողակենտրոն էր, որի ընթացքում ուսանողները ցուցաբերեցին իրենց գործնական հմտությունները և կարողությունները։ Կիրառվեցին համագործակցային ուսուցման մեթոդներ, հաստատվեց միջառարկայական և ներառարկայական կապ։
Հոկտեմբերի 16, 2023թ.
