«Դոմ Մոսկվի» Երեվանում
Անկախ Պետությունների Համագործակցության պետությունների ղեկավարների խորհրդի 2020 թվականի դեկտեմբերի 18-ի որոշմամբ՝ 2023 թվականն ԱՊՀ–ում ռուսերեն լեզուն որպես ազգամիջյան շփման լեզվի տարի է հայտարարվել։
Վերոնշյալից ելնելով՝ 2023 թվականի հոկտեմբերի 24-ին Երևանի հենակետային բժշկական քոլեջի «Հանրակրթական ծրագրով բաժնի» 107 և 119 խմբի ուսանողները «Ռուսաց լեզու» առարկայի դասախոսներ Ռ. Սարոյանի, Ջ. Հովհաննիսյանի և Ա. Գրիգորյանի հետ այցելեցին Մոսկովյան մշակութագործարարական կենտրոն «Դոմ Մոսկվի» Երևանում։
Այցի նպատակն էր ուսանողներին ծանոթացնել Կենտրոնի կառուցվածքին և գործունեությանը։
«Դոմ Մոսկվի» բազմապրոֆիլ համալիրը Հայաստանում պատշաճ կերպով ներկայացնում է ռուսաստանյան՝ մասնավորապես մոսկովյան մշակութային կյանքը, ստեղծում մշակութային և գործնական կամուրջ երկու մայրաքաղաքների միջև՝ միաժամանակ նպատակ ունենալով վերականգնել, պահպանել և մասսայականացնել ռուսաց լեզվի՝ Հայաստանում ունեցած հին ավանդույթները։
Շնորհակալություն ենք հայտնում «Դոմ Մոսկվի»-ի աշխատակիցներին ջերմ ընդունելության և կենտրոնի գործունեությունն ուսանողներին ներկայացնելու համար:
Հոկտեմբերի 25, 2023թ.
