2023 թվականի հոկտեմբերի 20-ին Երևանի հենակետային բժշկական քոլեջի Ընդհանուր բժշկական մոդուլների, մանրէաբանության, հիգիենայի և էկոլոգիայի, վարակիչ, մաշկային, սեռավարակ հիվանդությունների ամբիոնի վարիչ Ի․ Մարգարյանի նախաձեռնությամբ նույն ամբիոնի դասախոս Կ. Ավետյանն անցկացրեց «Բակտերոլոգիական հետազոտության մեթոդները և քսուկի պատրաստում» թեմայով գործնական հետազոտական բաց դաս «Մանրէաբանություն, վիրուսաբանություն և իմունաբանություն» մոդուլից։
Դասի նպատակը ուսանողների տեսական գիտելիքների կիրառումն ու ամրապնդումն էր գործնականում։
Ուսանողները ներկայացրեցին արյան նմուշ վերցնելու տարբերակները և կատարեցին հետազոտական աշխատանք՝
- ✧ վերցրեցին արյան նմուշ,
- ✧ տարածեցին այն առարկայական ապակու մակերեսին,
- ✧ պատրաստեցին քսուք,
- ✧ տեղադրեցին քիմիական լուծույթի մեջ,
- ✧ ուսումնասիրեցին մանրադիտակով,
- ✧ ներկեցին պրեպարատը,
- ✧ տարբերակեցին սննդամիջավայրերը։
Բաց դասը ուսանողակենտրոն էր, որի ընթացքում ուսանողները ցուցաբերեցին իրենց գործնական հմտությունները և կարողությունները։ Կիրառվեցին համագործակցային ուսուցման մեթոդներ, հաստատվեց ներառարկայական և միջառարկայական և կապ։
Հոկտեմբերի 23, 2023թ.
