2023 թվականի հոկտեմբերի 26–ին Եվրասիա միջազգային համալսարանը նորից իր հյուրընկալ դռներն էր բացել Երևանի հենակետային բժշկական քոլեջի «Դեղագործություն» բաժնի 304 խմբի ուսանողների առջև: Այցի նպատակն էր «Ֆարմակագնոզիա» մոդուլից իրականացնել արտագնա համակցված դաս, որը լավ հնարավորություն էր դասախոսական կազմի փորձի փոխանակման և ուսանողների երկուստեք աշխատանքների համեմատական վերլուծության:
Դասապրոցեսի ընթացքում ուսանողներն իրականացրեցին հետևյալ հետազոտական աշխատանքները՝
- Եթերայուղի անջատում ուրց գետնատարած դեղաբույսից Կլեվենջերի ապարատով՝ ջրային գոլորշիների թորման եղանակով: Ուսանողները ուշադիր հետևում էին եթերայուղի անջատմանը, ընթացքում փոխանակվում համալսարանական ուսանողների հետ սինթեզի նրբություններով և գրանցում գործնական աշխատանքի արդյունքները:
- Ուսանողներն առնչվելով եթերայուղեր պարունակող այլ դեղաբույսերի (անանուխ պղպեղային, ուրց գետնատարած, խնկածաղիկ սովորական, դառը օշինդր) հետ և մանրադիտակային ուսումնասիրության արդյունքում տեսան եթերայուղային զետեղարաննները և հերձանցքները, որոնց միջոցով տեղի է ունենում եթերային յուղի գոլորշիացում, որը պաշտպանում է բույսը չորացումից: Մանրադի¬տա¬կա¬յին հետազոտումից առաջ ուսանողները 5%-ոց նատրիումի հիդրօքսիդի (NaOH) լուծույթով նախապես թրջել էին դեղաբույսերը և տաքացրել սպիրտայրոցի վրա, այնուհետև խնամքով լվացել, չորացրել և տեղադրել գլիցերինապատ առարկայական ապակու վրա, ծածկել ծածկապակիով:
Ուսանողները մեծ հետաքրքրություն և ակտիվ մասնակցություն ցուցաբերեցին ողջ դասապրոցեսի ընթացքում, շփվեցին համալսարանական ուսանողների հետ և գիտելիքների ու գործնական կարողությունների նոր փորձ ձեռք բերեցին: Նրանք տպավորված և ոգևորված էին արտագնա դասի հետաքրքիր ձևաչափից։
ԵՀԲ քոլեջի դասախոսները նույնպես հնարավորություն ունեցան ուսումնասիրելու կոլեգաների փորձը և համեմատական վերլուծություն իրականացնելու ուսումնական գործընթացի տարբեր բաղադրիչների վերաբերյալ՝ մասնավորապես դասավանդման մեթոդների, վերջնարդյունքահենք հանձնարարականների մշակման և գնահատման մեթոդների ընտրության հարցերում:
Շնորհակալություն ենք հայտնում Եվրասիա միջազգային համալսարանի «Ֆարմացիա» ֆակուլտետի ղեկավարությանը նման հնարավորություն ընձեռելու համար:
