2023 թ․ նոյեմբերի 4-ին «Pharm Training Center» ուսումնա¬կան և կադրային կենտրոնի հետ համագործակցության շրջանակներում Երևանի հենակետային բժշկական քոլեջի «Դեղագործություն» բաժնի դասախոսներն ու ուսանողները Գյումրի քաղաքի «Արաքս» կենտրոնում մասնակցեցին «ՖարմաSales 3» գիտաժողովին, որը դեղագետ-դեղագործների համար կազմակերպել էր «Pharm Training Center»-ը։
Համաժողովի առանցքային թեմաներն էին՝
- ✧ Դեղագետ-դեղագործի դերը հանրային դեղատան աշխատանքներում
- ✧ Բժիշկ-դեղագետ կապի անհրաժեշտությունը
- ✧ Վերջին սերնդի նոր դեղամիջոցները
- ✧ Հաղորդակցման հմտությունները
- ✧ Մերչնդայզինգը՝ որպես դեղատնային բիզնեսի հաջողության գրավական
- ✧ Ոլորտի մարտահրավերները, դրանց հաղթահարումը և զարգացման հեռանկարները:
Գիտաժողովին որպես խոսնակ հանդես եկան ԵՀԲՔ «Դեղագործական մոդուլների և դեղաբանության ամբիոն»-ի դասախոսներ Թ. Կանեցյանը՝ «Հաղորդակցման կարևորությունը սպասարկման ոլորտում» թեմայով, և Ա. Բեզոյանը՝ «Մերչնդայզինգի կիրառումը դեղատանը» թեմայով:
Դեղատան աշխատակիցների և ուսանողների համար կազմակերպիչները պատրաստել էին նաև ուսուցողական խաղեր, որոնց նպատակն էր ավելի պատկերավոր ներկայացնել դեղատան աշխատանքը և իրացման նրբությունները:
ԵՀԲՔ-ի ուսանողները իրենց ակտիվ մասնակցությամբ աչքի ընկան հարցուպատասխանի փուլում և պարգևատրվեցին փոքրիկ նվերներով՝ վիտամինային հավելումների, խնամքի պարագաների և զեղչի քարտերի տեսքով:
Համաժողովը հետաքրքիր էր և ուսուցողական:
Նոյեմբերի 5, 2023թ.
