Համագործակցային հանդիպում Եվրասիա միջազգային համալսարանում
2025 թ. հոկտեմբերի 22-ին Եվրասիա միջազգային համալսարանում կայացավ «Շրջանաձև տնտեսություն» թեմայով սեմինար, որին մասնակցեցին նաև Երևանի հենակետային պետական բժշկական քոլեջի «Տնտեսագիտություն» առարկայի դասախոսները։
Սեմինարի ընթացքում նրանք հանդես եկան ակտիվ մասնակցությամբ, կիսվեցին իրենց մասնագիտական դիտարկումներով՝ ընդգծելով նման ձևաչափի համագործակցության կարևորությունը։
«Շրջանաձև տնտեսություն» թեմայի քննարկման նպատակն էր բարձրացնել տեղեկացվածությունը թափոնների նվազեցման և ռեսուրսների խնայող օգտագործման վերաբերյալ։ Սեմինարի ընթացքում ձեռք բերված գիտելիքներն ու փորձը քոլեջի դասախոսները կփոխանցեն ուսանողներին՝ ներառելով դրանք ուսումնական գործընթացում։
Հոկտեմբերի 23, 2025թ.