«ՆՈՒՌ» հեռուստաընկերության ArmaTV-ի պատրաստած հաղորդման հյուրն էր Երևանի հենակետային բժշկական քոլեջի «Վերակենդանացման, ինտենսիվ թերապիայի, աղետների բժշկության» ամբիոնի վարիչ Ա․ Մարտիրոսյանը

2024 թվականի փետրվարի 7-ին «ՆՈՒՌ» հեռուստաընկերության ArmaTV-ի պատրաստած հաղորդման հյուրն էր Երևանի հենակետային բժշկական քոլեջի «Վերակենդանացման, ինտենսիվ թերապիայի, աղետների բժշկության» ամբիոնի վարիչ Ա․ Մարտիրոսյանը։

Հաղորդումը «Մանկան հանկարծամահության համախտանիշ» և «Առաջին օգնությունը օտար մարմիններով շնչուղիների խցանման դեպքում» թեմաների շուրջ էր։

Հարցազրույցի ընթացքում Ա․ Մարտիրոսյանն անդրադարձավ ՄՀՀ և օտար մարմիններով շնչուղիների խցանման դեպքերին, ընդգծեց առաջին օգնությունը ժամանակին ցուցաբերելու կարևորությունը։ Ուսանողների հետ անցկացվեց գործնական դաս, որի ընթացքում նրանք առավել մանրամասն ուսումնասիրեցին առաջին օգնության ցուցաբերման առանձնահատկությունները նորածնային, նախադպրոցական և վաղ դպրոցական խմբերի երեխաների մոտ՝ շնչուղիների օտար մարմիններով խցանման դեպքում։

Հեռուստալրագրողը ևս ձեռք բերեց առաջին օգնության գործնական հմտություններ՝ երեխայի շնչուղիների օտար մարմնով խցանման դեպքում։