ՀԱՄԱԳՈՐԾԱԿՑԱՅԻՆ ՀԱՆԴԻՊՈՒՄ «ՄԽԻԹԱՐ ԳՈՇ» ՀԱՅ-ՌՈՒՍԱԿԱՆ ՄԻՋԱԶԳԱՅԻՆ ՀԱՄԱԼՍԱՐԱՆԻ ՆԵՐԿԱՅԱՑՈՒՑԻՉՆԵՐԻ ՀԵՏ
2024 թվականի փետրվարի 5-ին Երևանի հենակետային բժշկական քոլեջում տեղի ունեցավ հանդիպում «Մխիթար Գոշ» հայ-ռուսական միջազգային համալսարանի ներկայացուցիչների հետ։
Հանդիպման նպատակը քոլեջի և համալսարանի համապատասխան մասնագիտությունների սերտ համագործակցությունն էր։
Կնքվեց համագործակցության հուշագիր, որով Համալսարանը և Քոլեջը ՀՀ օրենսդրության շրջանակներում նախատեսում են համագործակցել համալսարանի «Բուժական գործ», «Ստոմատոլոգիա» մասնագիտությունների և քոլեջի «Մանկաբարձական գործ», «Դեղագործություն», «Քույրական գործ», «Ատամնատեխնիկական գործ», «Բուժական կոսմետոլոգիա» բժշկական մասնագիտությունների ոլորտներում։
Հանդիպումն ընթացավ ջերմ և կառուցողական մթնոլորտում։
Փետրվարի 6, 2024թ.
