2026 թ. մայիսի 14-ին Երևանի հենակետային պետական բժշկական քոլեջի մի խումբ ուսանողներ քոլեջի կարիերայի ուղղորդման պատասխանատու Լ. Մանուչարյանի ղեկավարությամբ մասնակցեցին ՀՀ Գիտությունների ազգային ակադեմիայում մեկնարկած «Global Education EXPO» կրթական ցուցահանդեսին, որի նպատակն էր կրթական ոլորտում ստեղծել նոր հնարավորությունների բացահայտման և համագործակցության հարթակ։
Ուսանողները ծանոթացան միջազգային կրթական ծրագրերին, ստացան մասնագիտական խորհրդատվություն և հնարավորություն ունեցան անմիջական կապ հաստատել տարբեր կրթական հաստատությունների ներկայացուցիչների հետ։ Նրանք տեղեկություններ ստացան ծրագրերի առանձնահատկությունների, ընդունելության պայմանների, կրթաթոշակային հնարավորությունների և արտերկրում կրթություն ստանալու տարբերակների վերաբերյալ։
Մասնակցությունը ցուցահանդեսին ուսանողների համար դարձավ օգտակար և ոգեշնչող փորձառություն` նպաստելով նրանց մասնագիտական կողմնորոշմանն ու ապագա կրթական հնարավորությունների ընդլայնմանը։
