2026թ․ մարտի 12-ին Երևանի հենակետային պետական բժշկական քոլեջի «Մանկաբարձական գործ» բաժնի 302 խմբի երկրորդ ենթախմբի ուսանողների մասնակցությամբ տեղի ունեցավ «Գինեկոլոգիական հիվանդների հիմնական գանգատները, հետազոտման հիմնական և լրացուցիչ մեթոդները» խորագրով բաց դաս, որը վարում էր քոլեջի «Մանկաբարձություն և գինեկոլոգիա» առարկայի դասախոս Մ․ Սարգսյանը։
Դասի ընթացքում ներկայացվեցին գինեկոլոգիական հիվանդների հետազոտման ժամանակակից մեթոդները, կիրառվեցին սահիկաշարեր, ինչպես նաև իրականացվեցին գործնական ցուցադրություններ՝ օգտագործելով համապատասխան գործիքներ (հեշտոցային հայելիներ, արգանդային զոնդ և այլն)։
Բոլոր ուսանողները ցուցաբերեցին ակտիվ մասնակցություն։ Դասախոսների հարցերին նրանք տվեցին հիմնավորված և սպառիչ պատասխաններ՝ ընդգծելով ժամանակակից մեթոդների առավելությունները և դրանց կարևորությունը մասնագիտական գործունեության մեջ։
Դասն անցավ ինտերակտիվ և մասնագիտական հետաքրքրություն խթանող մթնոլորտում՝ նպաստելով ուսանողների գիտելիքների ամրապնդմանը և գործնական հմտությունների զարգացմանը։
Մարտի 12, 2026թ.
