Էքսկուրսիա Երեվանի պետական համալսարանի Ֆարմացիայի ինստիտուտում
2026թ․ փետրվարի 17-ին Երևանի հենակետային պետական բժշկական քոլեջի «Հանրակրթական ծրագրով» բաժնի 115 խմբի ուսանողները դասախոսներ Լ․Բարսամյանի և Ն․Հարությունյանի ուղեկցությամբ այցելեցին Երևանի պետական համալսարանի Ֆարմացիայի ինստիտուտ։
Այցի ընթացքում ուսանողները ծանոթացան ինստիտուտում իրականացվող գիտահետազոտական աշխատանքներին, ժամանակակից լաբորատոր տեխնոլոգիաներին և կիրառվող սարքավորումներին։ Ներկայացվեցին սարքավորումների գործառութային նշանակությունը, կառուցվածքային առանձնահատկությունները և կիրառման ոլորտները։
Էքսկուրսիան կրում էր կրթական և ճանաչողական բնույթ՝ նպաստելով ուսանողների տեսական գիտելիքների ամրապնդմանը և «Քիմիա» առարկայի նկատմամբ հետաքրքրության խորացմանը։
Փետրվարի 18, 2026թ.
