2025 թվականի ապրիլի 23-ին Երևանի հենակետային պետական բժշկական քոլեջի «Հանրակրթական ծրագրով» բաժնի 118 խմբի մասնակցությամբ և «Հայոց լեզու և գրականություն» առարկայի դասախոս Լ․ Վարդումյանի ղեկավարությամբ տեղի ունեցավ ««Աբու-Լալա Մահարի» պոեմի հասարակության և անհատի խնդիրների վերհանումը» խորագրով դաս-միջոցառում։
Միջոցառման ընթացքում ներկայացվեցին պոեմի բոլոր գլուխների վերլուծությունները, ինչպես նաև ուսանողների արտասանությունները իրենց ընտրած հատվածներից։ Դասը ուղեկցվում էր սահիկաշարով, որտեղ ներկայացվում էին թեմային համապատասխան նկարներ։
Ուսումնասիրությունների ընթացքում առաջացած հարցերը՝ կապված պոեմի հերոսի վարքագծի և գաղափարական շեշտադրումների հետ, ուսանողները ուղղեցին քոլեջում դասավանդող դասախոսներին։
Դաս-միջոցառումը կարելի է դիտարկել որպես նախագծային աշխատանք, քանի որ այն լիովին համապատասխանել է թեմայի պահանջներին՝ նպաստելով ուսանողների վերլուծական մտածողության խորացմանը, ստեղծագործական մոտեցման ձևավորմանը և համագործակցային հմտությունների զարգացմանը։
Ապրիլի 25, 2025թ.
