2025թ. մայիսի 15-ին Երևանի հենակետային պետական բժշկական քոլեջի դահլիճում տեղի ունեցավ գրական-մշակութային ցերեկույթ՝ նվիրված հայ բանաստեղծ Համո Սահյանի ծննդյան 111-ամյակին։ Միջոցառումը կազմակերպվել էր քոլեջի ՈՒԽ համակարգող Կարեն Կարապետյանի և ՈՒԽ փոխնախագահ Ալլա Հայրապետյանի նախաձեռնությամբ։
Մեծանուն պոետի հայրենաշունչ պոեզիան ԵՀՊԲՔ ուսանողները ներկայացրեցին արտահայտիչ ասմունքով, երաժշտական ու պարային կատարումներով, ինչպես նաև բեմականացումներով՝ մեկնաբանելով Սահյանի ստեղծագործություններին բնորոշ բնապատկերային բազմազանությունն ու մարդու և բնության հանդեպ ունեցած սերն ու հիացմունքը։
Միջոցառման նպատակն էր բացահայտել քոլեջի տաղանդավոր ուսանողներին, խթանել նրանց ստեղծագործական ներուժի զարգացումը և համախմբել երիտասարդությանը ազգային մշակույթի և պետականության հարատև արժեքների շուրջ։
