2025 թվականի ապրիլի 15-ին ԵՀՊԲ քոլեջի «Հանրակրթական ծրագրով» բաժնի 118 խմբում, «Հասարակագիտություն» առարկայի շրջանակում, տեղի ունեցավ ֆրանսահայ ռեժիսոր Անրի Վեռնոյի «Մայրիկ» ֆիլմի դիտում։ Դասընթացն իրականացվեց դասախոս Ալինա Ավանեսյանի ղեկավարությամբ՝ «Ֆրանկոֆոնիայի օրերը Հայաստանում» ծրագրի շրջանակում։
Միջոցառման նպատակներն էին՝
- ✧ Հայոց Մեծ Եղեռնի 110-րդ տարելիցին ընդառաջ ևս մեկ անգամ հիշել հայ ժողովրդի պատմության ամենադաժան էջերից մեկը՝ Հայոց ցեղասպանությունը։
- ✧ Ներկայացնել Ֆրանկոֆոնիան՝ որպես կամուրջ, որը միավորում է Հայաստան և Ֆրանսիա երկրները՝ ամրապնդելով բազմադարյա բարեկամությունն ու մշակութային կապերը։ Ֆրանսիան դարձավ նաև հայ ժողովրդի երկրորդ հայրենիքը՝ աշխարհին ընծայելով բազմաթիվ նշանավոր հայորդիներ։
Ֆիլմի դիտումից հետո կազմակերպվեց քննարկում։ Ուսանողները մեծ հետաքրքրությամբ կիսվեցին իրենց տպավորություններով՝ նշելով, որ ֆիլմը խորապես հուզեց և մեծ ներգործություն ունեցավ իրենց վրա։
Միջոցառման վերջում, դասախոս Ալինա Ավանեսյանի առաջարկությամբ, ուսանողները փոքր, բայց սրտառուչ անակնկալ մատուցեցին իրենց մայրերին՝ զանգահարելով ու իրենց սերն ու երախտագիտությունը հայտնելով նրանց։
Այս նախաձեռնությունը ոչ միայն կրթական, այլև հոգևոր ու զգացմունքային խորություն ուներ։ Ֆրանսիան շարունակում է մնալ հայ ժողովրդի բարեկամը և հույս ունենք, որ այդ ամուր ու արժեքային կապը կշարունակի լինել հարատև։
