2025 թվականի ապրիլի 15-ին Երևանի հենակետային պետական բժշկական քոլեջի «Ատամնատեխնիկական գործ» բաժնի 108 և «Քույրական գործ» բաժնի 101 խմբերի ուսանողները, «Ինֆորմատիկա» առարկայի դասախոս Մելինե Ղարիբյանի ղեկավարությամբ այցելեցին ԹՈՒՄՈ ստեղծարար տեխնոլոգիաների կենտրոն։
Այցի հիմնական նպատակն էր ուսանողներին ծանոթացնել կենտրոնում կիրառվող ուսումնական մեթոդներին, ուսումնասիրվող ոլորտներին և տեխնոլոգիական հնարավորություններին։ Էքսկուրսիային միացել էին նաև «Հանրակրթական առարկաների, լեզուների և հասարակագիտական առարկաների» ամբիոնի վարիչ Ս․ Տորտիկյանը և «Անգլերեն լեզու» առարկայի դասախոս Մ․ Գևորգյանը։
Էքսկուրսիայի ընթացքում ուսանողները ծանոթացան ԹՈՒՄՈ կենտրոնում իրականացվող կրթական գործընթացին՝ պարզելով, թե ինչպես են կազմակերպվում դասերը, ինչ ոլորտներում են կենտրոնի սաները խորանում (ծրագրավորում, գրաֆիկ դիզայն, 3D մոդելավորում և այլն), ինչպես նաև տեղեկատվություն ստացան կիրառվող ծրագրերի և գործիքակազմի վերաբերյալ։
Ուսանողները ակտիվորեն մասնակցեցին քննարկումներին, հարցեր ուղղեցին ոլորտային մասնագետներին՝ հատկապես հետաքրքրվելով ծրագրավորման, գրաֆիկ դիզայնի և մոդելավորման հնարավորություններով։
Էքսկուրսիայի ավարտին նրանք շրջեցին կենտրոնի տարածքում՝ ծանոթանալով կրթական միջավայրում կիրառվող նորագույն տեխնոլոգիաներին։
Այցելությունը ոչ միայն տեղեկատվական էր, այլև ներշնչող՝ խթանելով ուսանողների հետաքրքրությունը նորագույն տեխնոլոգիաների և ստեղծարար կրթության հանդեպ։
Ապրիլի 16, 2025թ.
