Մասնակցություն «ԱՅ ԷՖ Ի ԷՍ» ծրագրի շրջանակում իրականացվող վերապատրաստմանը

2024 թվականի հուլիսի 5-7-ը Երևանի հենակետային բժշկական քոլեջի 13 դասախոսներ մասնակցեցին Գյումրիում կայացած «ԱՅ ԷՖ Ի ԷՍ» հայաստանյան մասնաճյուղի քաղաքացիական կրթության ծրագրի կողմից կազմակերպված «Ներգրավված քաղաքացի» խորագրով դասընթացի վերապատրաստմանը։ Այս դասընթացը նախատեսված էր ԵՀԲ քոլեջի ուսանողների շրջանում իրականացնելու համար։

Ապա, 2024 թվականի սեպտեմբերին, նախապես կազմված ժամանակացույցին համապատասխան, տարածվեց «Ներգրավված քաղաքացի» դասընթացին մասնակցության հայտարարություն, և դրան մասնակցելու հայտ ներկայացրեցին 17 ուսանող։

2024 թվականի հոկտեմբերի 10-ից մինչև 2025 թվականի հունվարի 31-ը քոլեջի վերապատրաստված 13 դասախոսներ ըստ նախատեսված ժամանակացույցի իրականացրել են 13 դասընթաց, որին մասնակցել են 17 ուսանողներ։

Ուսումնական տարվա ավարտին դասընթացի մասնակից ուսանողները ստացան հավաստագրեր ծրագրի կազմակերպիչների կողմից։