2025թ. փետրվարի 19-ին Երևանի հենակետային պետական բժշկական քոլեջի գրադարանում «Մանկաբարձական գործ» բաժնի 201 խմբի ուսանողները քոլեջի ավագ գրադարանավար Լ․Փափազյանի ղեկավարությամբ կազմակերպել էին «Գրքի տոն» խորագրով միջոցառում՝ նվիրված հայ մեծանուն բանաստեղծ Հովհաննես Թումանյանի ծննդյան տարեդարձին և գիրք նվիրելու օրվան։ Միջոցառման նպատակն էր խթանել սերը դեպի գրականությունը, խրախուսել ընթերցասիրությունը, ուսանողներին մոտեցնել ավելի հարուստ և իմաստալից կյանքին:
Միջոցառմանը ներկա էին նաև քոլեջի կարիերայի ուղղորդման պատասխանատու Լ․Մանուչարյանը և մեթոդիստ Կ․Մնացականյանը։
Ուսանողները ներկայացրեցին գրքերի դերը մարդկանց կյանքում և ընթերցանության դրական հետևանքներն անձի մտավոր առողջության համար։ Նրանք պատմեցին հետաքրքիր փաստեր Հովհաննես Թումանյանի կյանքից և նրա հայրենանվեր ու ազգասեր գործունեությունից, պարզաբանեցին այն պատվանունները, որոնցով մեծարել են հանճարեղ գրողին։
Միջոցառմանն անցկացվեց նաև գրականագիտական գիտելիքներ պահանջող եռափուլ խաղ։ Առաջին փուլում ընթերցեցին հատվածներ տարբեր ստեղծագործություններից և գուշակեցին հեղինակներին, երկրորդ փուլում՝ նկարներով գուշակեցին ստեղծագործությունը, իսկ երրորդ փուլում պետք էր ճանաչել գրողներին ըստ ստեղծած երկդեմ պատկերների։
Միջոցառման ավարտին ուսանողները վիճակահանությամբ իրար գրքեր նվիրեցին։ Միջոցառման կազմակերպման աշխատանքներին ակտիվ մասնակցած երեք ուսանողուհիներն արժանացան տնօրինության խրախուսական նվեր-գրքերի:
