«Վիրուսային հեպատիտներ» և «ՄԻԱՎ վարակ» խորագրերով բաց դաս

2024 թվականի նոյեմբերի 11-ին Երևանի հենակետային բժշկական քոլեջի «Քույրական գործ» բաժնի 21 խմբի ուսանողները դասախոս Հ․ Ավդալյանի ղեկավարությամբ անցկացրին «Վիրուսային հեպատիտներ» և «ՄԻԱՎ վարակ» խորագրերով բաց դաս։

Դասի ընթացքում դասախոսը ուսանողներին ծանոթացրեց վիրուսային հեպատիտների և ՄԻԱՎ վարակի առաջացման պատճառներին, փոխանցման ուղիներին, նմուշի վերցման կարգին, խնամքի, սննդակարգի և բուժման սկզբունքներին։

Դասախոսն ուսանողներին նախապես հանձնարարել էր կազմել խնդիրներ, որոնք նրանք դասի ընթացքում վերլուծեցին։ Հաջորդիվ ուսանողները ներկայացրեցին տեսաֆիլմ ՄԻԱՎ վարակի վերաբերյալ։

Գիտելիքների վերջնարդյունքի ստուգման համար դասի ավարտին դասախոսը ուսանողներին բաժանեց ստուգիչ թեստեր, որոնք նրանք հաջողությամբ լրացրին։

Դասը ուսուցողական էր և հետաքրքիր։