ՀԱՆԴԻՊՈՒՄ-ՔՆՆԱՐԿՈՒՄ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՆԵՐՈՒՄ
2024 թվականի հունվարի 31-ին Երևանի հենակետային բժշկական քոլեջի դահլիճում համագործակցության շրջանակներում տեղի ունեցավ հանդիպում-քննարկում Երևանի հենակետային բժշկական քոլեջի «Դեղագործություն» բաժնի ուսանողների և «ԲԵՏԱ ՖԱՐՄ» դեղագործական ընկերության ներկայացուցիչներ Թ.Կանեցյանի, Է.Հակոբյանի մասնակցությամբ։
Հանդիպմանը ներկա էին նաև «Դեղագործություն» բաժնի դասախոսները և քոլեջի այլ աշխատակիցներ։
«ԲԵՏԱ ՖԱՐՄ» դեղագործական ընկերության ներկայացուցիչներն ուսանողներին «Դեղագործական մարկետինգի և մենեջմենթի հիմունքներ» մոդուլի շրջանակներում սահիկաշարի միջոցով ներկայացրեցին վիրուսների կառուցվածքը, տեսակները, տարածման ուղիները և հակավիրուսային պրեպարատները։
Հանդիպումն ուղեկցվեց հետաքրքիր հարցուպատասխաններով և քննարկումներով։
Փետրվարի 1, 2024թ.
