2022 թվականի օգոստոսի 19-ին «Վ․ Ա․ Ֆանարջյանի անվան ուռուցքաբանության ազգային կենտրոնում» կազմակերպվել էր «Միջին բուժաշխատողների ուռուցքաբանության համաժողով»։
Որպես միջին մասնագիտական կրթությամբ բուժաշխատողներ կրթող առաջատար ուսումնական հաստատություն՝ հրավիրվել էր նաև Երևանի հենակետային բժշկական քոլեջը։
Համաժողովին զեկույցով հանդես եկավ Երևանի հենակետային բժշկական քոլեջի «Քույրական գործի և վերականգնողական բժշկության հիմունքների, թերապիայի, նյարդային և հոգեկան հիվանդությունների, մանկաբուժության» ամբիոնի դասախոս Գոհար Ղազարյանը։ Զեկույցի թեման էր՝ «Հաղորդակցման հմտությունները բուժքրոջ աշխատանքում»։
Թեման շատ արդիական էր, որովհետև հաղորդակցման հմտություններն այսօր առաջնային են ցանկացած ոլորտում, հատկապես բուժքրոջ աշխատանքում, քանի որ բուժքրոջ մասնագիտությունն իր մեջ ընդգրկում է մարդասիրական օգնություն ամբողջ հասարակությանը։
Այսօր բուժքույրը հիվանդությունների կանխարգելման, առողջության պահպանման համար մեկ ջատագովներից է։
Զեկույցը բովանդակալից էր, հետաքրքիր, որը փաստեցին նաև համաժողովի կազմակերպիչները։ Այն առաջացրեց բազում հարցեր, որոնք ջերմ աշխատանքային մթնոլորտում քննարկվեցին հարց ու պատասխանի միջոցով։
Շնորհակալական խոսքեր ուղղվեցին Երևանի հենակետային բժշկական քոլեջին՝ արհեստավարժ բուժքույրեր կրթելու և «Վ․ Ա․ Ֆանարջյանի անվան ուռուցքաբանության ազգային կենտրոնի» հետ համագործակցելու համար։