ներկայացուցիչների հետ
2026թ. մայիսի 11-ին Երևանի հենակետային պետական բժշկական քոլեջը հյուրընկալեց TerraMed բժշկական կազմակերպության ներկայացուցիչներին, ովքեր քոլեջի «Բուժական կոսմետոլոգիա» բաժնի ուսանողների համար անցկացրեցին մասնագիտական և տեղեկատվական նշանակալի կոնֆերանս։
Հանդիպման ընթացքում մասնակիցներին ներկայացվեցին TerraMed ընկերության կողմից արտադրվող ժամանակակից կոսմետոլոգիական և բուժական նշանակության նյութերը, դրանց արտադրության առանձնահատկությունները, ինչպես նաև համապատասխանությունը GMP-ՊԱԳ (Good Manufacturing Practice – Պատշաճ արտադրական գործունեություն) միջազգային ստանդարտներին։ Ներկայացվեց արտադրանքի բարձր որակը, արդյունավետությունը և կիրառման լայն հնարավորությունները՝ տարբեր կոսմետոլոգիական և մաշկաբանական խնդիրների լուծման գործընթացում։
Կոնֆերանսի հիմնական թեմաներից էին տարբեր տեսակի պիլինգները, որոնք նախատեսված են մաշկային խնդիրների և կոսմետիկ թերությունների շտկման համար։ Ներկայացվեցին դրանց բաղադրության առանձնահատկությունները, թթուների տարբեր համակցություններն ու խտությունները, ինչպես նաև կիրառման ցուցումները։ Ուսանողները հնարավորություն ունեցան սլայդների միջոցով ծանոթանալու պիլինգների կիրառման արդյունքներին և գնահատելու դրանց արդյունավետությունը գործնական օրինակների հիման վրա։
Ներկայացվեցին նաև մեզոկոկտեյլների տեսքով ներարկումային նյութերը, դրանց բաղադրությունը, ազդեցության մեխանիզմները և կիրառման ոլորտները՝ ընդգծելով ժամանակակից էսթետիկ բժշկության մեջ դրանց կարևոր դերը։
Հանդիպումն ավարտվեց ակտիվ հարցուպատասխանի ձևաչափով, որի ընթացքում ուսանողները հնարավորություն ունեցան ստանալու իրենց հետաքրքրող հարցերի մասնագիտական պատասխանները։
Կոնֆերանսը կրում էր բարձր տեղեկատվական և ուսուցողական նշանակություն՝ նպաստելով ուսանողների մասնագիտական գիտելիքների ընդլայնմանն ու գործնական պատկերացումների հարստացմանը։
