Հանդիպում «Ուիգմոր կանանց և երեխաների հիվանդանոց»-ի ներկայացուցիչների հետ

2024 թվականի ապրիլի 10-ին Երևանի հենակետային բժշկական քոլեջում համագործակցության շրջանակում տեղի ունեցավ հանդիպում «Ուիգմոր կանանց և երեխաների հիվանդանոց»-ի ներկայացուցիչների հետ։

Հյուրերը քոլեջի ավարտական կուրսի ուսանողներին ներկայացրեցին բուժքույրական ստաժավորման եռամսյա ծրագիրը, որը նախատեսված է «Քույրական գործ» և «Մանկաբարձություն» մասնագիտություններով նորավարտ մասնագետների համար։

Ծրագրում ընդունելության հարցազրույցները կսկսվեն սույն թվականի ապրիլի 22-ից մինչև 30-ը, իսկ ծրագրի մեկնարկը կտրվի մայիսի 6-ից։ Կիրականացվեն ինտենսիվ տեսական և գործնական դասընթացներ, ընթացիկ և ավարտական թեստային քննություններ, իսկ բարձր առաջադիմությամբ թեկնածուները օգոստոս ամսին «Ուիգմոր կանանց և երեխաների հիվանդանոց»-ում կընդունվեն մշտական աշխատանքի: