2023 թվականի փետրվարի 17-ին Երևանի հենակետային բժշկական քոլեջի Ուսանողական խորհուրդը քոլեջի դահլիճում անցկացրեց հերթական նիստը։
Նիստի օրակարգային հարցերն էին՝
- ՈւԽ նախագահ Է․ Գյոզալյանի 2022-2023թթ․ ուստարվա առաջին կիսամյակի հաշվետվության ներկայացումն ու քննարկումը։
- 2022-2023թթ․ ուստարվա երկրորդ կիսամյակի աշխատանքային պլանի ներկայացումը, քննարկումը և հաստատումը՝ ի լրումն ուսարվա աշխատանքային պլանին։
- Հին և նոր ձևավորված հանձնաժողովների պատասխանատուների և նրանց հետագա ծավալած գործունեության ներկայացումը։
Ներկայումս Ուսանողական խորհրդում գործում են 5 ակտիվ հանձնաժողովներ՝
1. Արտաքին կապերի հանձնաժողով: Հանձնաժողովի պատասխանատուն է 305 խմբի «Քույրական գործ» բաժնի ուսանողուհի Սուսաննա Խաչատրյանը։ Արտաքին կապերի հանձնաժողովը ապահովում է քոլեջի և այլ ուսումնական հաստատությունների միջև համագործակցությունը, կազմակերպում է այցեր թանգարչաններ, էքսկուրսիաներ և ակտիվ համագործակցում է քոլեջում գործող Կարիերայի կենտրոնի հետ։
2. Լրատվության և տեղեկատվության հանձնաժողով: Հանձնաժողովի պատասխանատուն է 113 խմբի «Հանրակրթական ծրագրով» բաժնի ուսանողուհի Մերի Ղևոնդյան։ Լրատվության և տեղեկատվության հանձնաժողովը անմիջական կապի մեջ է քոլեջի բոլոր ստորաբաժանումների և Ուսանողական Խորհրդի հանձնաժողովների հետ։ Նրա գլխավոր նպատակն է լուսաբանել սոց․ հարթակներում ուսանողների առօրյան, կարևոր իրադարձությունները և հրապարակել կարևոր հայտարարություններ։
3. Գիտակրթական հանձնաժողով: Հանձնաժողովի պատասխանատուն է 203 խմբի «Քույրական գործ» բաժնի ուսանողուհի Արևիկ Հարությունյան։ Գիտակրթական հանձնաժողովը հնարավորություն է տալիս ուսանողներին ցույց տալ իրենց գիտելիքներն ու հմտությունները, ինչպես նաև համլրել դրանց բազան։ Հանձնաժողովը կազմակերպում է տարբեր տրամաբանական, հետաքրքիր, ինտելեկտուալ խաղեր և բանավեճեր։
4. Սպորտի հանձնաժողով: Հանձնաժողովի պատասխանատուն է 201 խմբի «Ատամնատեխնիկական գործ» բաժնի ուսանող Համազասպ Մարգարյան։ Հանձնաժողովի նպատակն է բացահայտել ուսանողների սպորտային տաղանդները և կազմակերպել ներքոլեջային և արտաքոլեջային սպորտային մրցումներ։
5. Մշակույթային և կազմակերպչական հանձնաժողով: Այս հանձնաժողովը ձևավորվում է մշակույթային միջոցառումների ժամանակ։ Նրա կազմը փոփոխական է։
