2025թ. սեպտեմբերի 19-ին Մերիդիան Էքսպո կենտրոնում կայացավ «Դեղագործական գործունեության արդի պահանջները» խորագրով MedMeet 2025 ամենամյա միջազգային գիտաժողովը։ Միջոցառումը մեծ հնարավորություն էր դեղագործների մասնագիտական կարողությունների զարգացման և փորձի ընդլայնման համար։
Ինչպես նախորդ տարիներին, այս անգամ ևս Երևանի հենակետային պետական բժշկական քոլեջի «Դեղագործություն» բաժնի ուսանողները ակտիվորեն մասնակցեցին գիտաժողովին։
«Դեղագործության կազմակերպում և էկոնոմիկա» մոդուլի դասախոս Ա.Բեզոյանի նախաձեռնությամբ 22, 302 խմբերի ուսանողներն իրենց դասն անցկացրեցին միջոցառման շրջանակում։
Նրանք ունկնդրեցին ոլորտի առաջատար մասնագետների զեկույցները դեղորայքի որակի, անվտանգության արդյունավետության ապահովման չափանիշների, դեղագործության բոլոր նորարարական մոտեցումների, դեղերի մատչելիության խնդիրների մասին, շրջեցին տաղավարներով` ծանոթանալով առողջապահական և դեղագործական կազմակերպությունների գործունեությանը։
Այս ձևաչափով դասերը կարևոր խթան են ուսանողների համար` իրենց մասնագիտությունը առավել խորությամբ ընկալելու և ոլորտում առկա լայն հնարավորությունները տեսնելու համար։
Միջոցառումը կրեդիտավորված էր ՀՀ ԱՆ կողմից. բոլոր մասնակիցները կստանան վկայականներ` կրեդիտներով։
