2025 թվականի մարտի 24-ին «Էլիտ Պլազա» բիզնես կենտրոնում «Primus Med» կենսաբանական ակտիվ հավելումներ արտադրող ընկերությունը կազմակերպել էր աշխատաժողով՝ նվիրված մարդու կյանքի և գործունեության համար կենսաբանորեն խիստ անհրաժեշտ հավելումներին։
Հաշվի էին առնվել հատկապես այն հիվանդությունները, որոնք բնորոշ են մեր տարածաշրջանին և համարվում են էնդեմիկ։
Աշխատաժողովին մասնակցում էին դեղագործներ, դեղագետներ, ինչպես նաև ԵՀՊԲ քոլեջի «Դեղագործական մոդուլների և դեղաբանության ամբիոն»-ի վարիչ Մ․Շահնազարյանը, նույն ամբիոնի «Ֆարմակագնոզիա» մոդուլը դասավանդող դասախոս Ն․Սարիբեկյանը, քոլեջն ավարտած և ներկայումս սովորող և պրակտիկա անցնող ուսանողներ։
Ներկայացվեցին «Սելեպրիմ» (սելեն պարունակող), «Գեմոմիլ» (Fe՝ երկաթ պարունակող) և «Տրիոզեթ» (Mg և տրեոնատ պարունակող) հավելումները։ Համեմատականներ անցկացվեցին ներկայիս շուկայում առկա համանման դեղամիջոցների հետ՝ շեշտադրելով դրանց կենսամատչելիությունը։
Աշխատաժողովի ընթացքում անցկացվեց խաղարկություն, որի հաղթողներից էր նաև ԵՀՊԲ քոլեջի շրջանավարտ Անուշ Խաչատրյանը։
