2024 թվականի նոյեմբերի 25-ին «Բուժական կոսմետոլոգիա» բաժնի 303 և 21 խմբերի ուսանողները՝ «Տնտեսագիտություն» առարկայի դասախոս Անահիտ Գադուկյանի հետ ուսումնական ծրագրով նախատեսված այց կատարեցին ՀՀ Կենտրոնական բանկի թանգարան: Դաս-էքսկուրսիային մասնակցում էր նաև «Հանրակրթական առարկաների, լեզուների և հասարակագիտական առարկաների» ամբիոնի վարիչ Ս. Տորտիկյանը:
Այցի նպատակն էր ծանոթանալ ՀՀ դրամի ստեղծման պատմությանը։ Էքսկուրսիայի ընթացքում ուսանողներն իմացան, թե ինչպես է ստեղծվել առաջին հայկական դրամը, ինչ զարգացում է ունեցել, ինչպես նաև տեղեկացան ՀՀ Կենտրոնական Բանկի գործառույթների մասին:
Այցելությունը բավականին արդյունավետ էր ու բովանդակալից, քանի որ ուսանողները նորանոր գիտելիքներ ձեռք բերեցին։ Էքսկուրսիայի ավարտին ուսանողները Կենտրոնական բանկի կողմից ստացան փոքրիկ հուշանվերներ:
Նոյեմբերի 26, 2024թ.
