«Օտարերկրյա քաղաքացիների աշխատանքային իրավունքները ՀՀ-ում» խորագրով դաս-քննարկում

2024 թվականի դեկտեմբերի 10-ին Երևանի հենակետային բժշկական քոլեջի «Դեղագործություն» բաժնի 11 և 201 խմբերում դասախոս Ա. Խաչատրյանի ղեկավարությամբ «Իրավունքի հիմունքներ» առարկայից անցկացվեց «Օտարերկրյա քաղաքացիների աշխատանքային իրավունքները ՀՀ-ում» խորագրով դաս-քննարկում։

Ուսանողները քննարկմանը պատրաստվել էին ամենայն պատշաճությամբ, կատարել էին ուսումնասիրություններ, օտարերկրյա քաղաքացիների հետ կազմակերպել էին հարցազրույցներ։

Դաս-քննարկման թեմաներն էին՝

1. Օտարերկրյա քաղաքացիների աշխատանքային օրենսդրությունը ՀՀ-ում
2. Աշխատանքային գործունեության հիմքերը
3. Պայմանագրային հարաբերություններ
4. Պարտադիր վճարներ և հարկեր
5. Վերահսկողություն և պատասխանատվություն

Ուսանողներն ակտիվ մասնակցություն ունեցան դասին, իսկ վերջում հնչերցին հետևյալ առաջարկները՝

1. մշակել պարզեցված ընթացակարգեր որոշ կատեգորիաների համար,
2. տեղեկատվության հասանելիությունը բարելավելու նպատակով ներդնել օնլայն համակարգեր,
3. կատարել իրավական ակտերի պարբերական վերլուծություն՝ համապատասխանեցնելով ժամանակակից պահանջներին:

Դասը շատ տեղեկատվական էր, հետաքրքիր և արդյունավետ։