Մասնակցություն «Ռուսերեն առանց սահմանների, Ա․Ս․Պուշկինի ժառանգությունն ու պուշկինյան ավանդությունը ռուսական գրականության մեջ» խորագրով միջազգային համաժողովին

2024 թվականի նոյեմբերի 26–28–ը Երևանում կայացել է «Ռուսերեն առանց սահմանների, Ա․Ս․Պուշկինի ժառանգությունն ու պուշկինյան ավանդությունը ռուսական գրականության մեջ» Ռուսաց լեզվի և գրականության ուսուցիչների և դասախոսների միջազգային համաժողովը, որին մասնակցել են նաև Երևանի հենակետային բժշկական քոլեջի «Հանրակրթական առարկաների, լեզուների և հասարակագիտական առարկաների ամբիոն»-ի դասախոսներ Ռ.Սարոյանը և Ջ.Հովհաննիսյանը։

Ռուսաց լեզուն այդ իրադարձության «գլխավոր հերոսն» էր։ Այն տարբեր երկրներ, պատվիրակություններ էր միավորել և հիշեցրել ժողովուրդների ամուր մշակութային կապի մասին, իսկ Պուշկինը կրկին դարձել էր այն խորհրդանիշը, որի շուրջ համախմբվել էին մասնագետներն, որպեսզի ոգեշնչեն միմյանց և շփման նոր եզրեր գտնեն:

Տարբեր երկրներից մասնակիցները կիսվում էին իրենց փորձով, քննարկում էին ժամանակակից մարտահրավերներն ու լուծումներ փնտրում:

Ոգեշնչող դասախոսությունները, մշակութային բացահայտումներն ու միասնության զգացողությունը համաժողովը անմոռանալի դարձրին։