Ֆրանկոֆոնիայի օրերի շրջանակում և Հայոց ցեղասպանության զոհերի հիշատակին նվիրված միջոցառում

2024 թվականի ապրիլի 19-ին Ֆրանկոֆոնիայի օրերի շրջանակում Երևանի հենակետային բժշկական քոլեջի ավագ գրադարանավար Լ.Փափազյանը «Հանրակրթական ծրագրով բաժնի» ուսանողների համար կազմակերպել էր Հայոց ցեղասպանության զոհերի հիշատակին նվիրված միջոցառում։ Միջոցառման ժամանակ ցուցադրվեցին ֆրանսահայ մեծանուն կինոռեժիսոր Անրի Վերնոյի «Մայրիկ» և «Պարադի փողոց 588» հանրահայտ ֆիլմերից հատվածներ։

Ֆիլմերի ցուցադրումից հետո տիկին Փափազյանը հակիրճ ներկայացրեց ֆիլմում տեղ գտած պատմական փաստերը, ուսանողների ուշադրությունը հրավիրեց մարդկային, ընտանեկան և բարոյական արժեքներ վեր հանող դրվագների վրա: Քոլեջի ուսանողներ Աշոտը և Մերին պատմեցին Անրի Վերնոյի /Աշոտ Մալաքյան/ կյանքի և նկարահանած այլ ֆիլմերի մասին։

Ֆիլմերի մոնտաժը կատարել էր քոլեջի համակարգչային տեխնիկայի պատասխանատու Ա.Դանիելյանը։

Միջոցառումը շատ տպավորիչ էր և լի հուզական պահերով։