2023 թվականի մայիսի 26-ին Երևանի հենակետային բժշկական քոլեջի և Սվետլանա Ստեփանյանի «Բյութի ակադեմիա» կոսմետոլոգիական կենտրոնի համագործակցության շրջանակում տեղի ունեցավ հանդիպում-քննարկում։
Հանդիպմանը քննարկվեցին հետևյալ թեմաները՝
- ✧ աշխատաշուկայի արդի պահանջներին համահունչ կրթական ծրագրերի լրամշակման տարբերակները,
- ✧ «Բուժական կոսմետոլոգիա» բաժնի ուսանողների նախաավարտական պրակտիկայի վարման ժամանակացույցը,
- ✧ գործատուի ազատ աշխատատեղերը։
Հանդիպման ընթացքում կոսմետոլոգիական կենտրոնի բժիշկ-կոսմետոլոգ Էդգար Գասպարյանը վարեց վարպետաց դաս, որի ընթացքում ուսանողները տեղեկացան արդի ժամանակաշրջանին համահունչ կոսմետոլոգիական նորագույն տեխնոլոգիաներին, ինչպես նաև կարևորվեց կոսմետոլոգիայի կարևորությունը մարդու կյանքում։
Երևանի հենակետային բժշկական քոլեջի կարիերայի ուղղորդման պատասխանատու Լ.Մանուչարյանն արտաքին շահակիցներին առաջարկեց «Բուժական կոսմետոլոգիա» բաժնի աշխատանք փնտրող և աշխատանք գտած շրջանավարտներին պահպանել հետադարձ կապ մասնագիտական կողմնորոշման և կարիերայի կենտրոնի հետ, իսկ մեթոդիստ Կ.Մնացականյանը և կրթության որակի ապահովման պատասխանատու Գ.Սարգսյանը ներկայացրեցին մոդուլի վերանայման հնարավոր տարբերակները։
Մայիսի 27, 2023թ.
