Երևանի հենակետային բժշկական քոլեջի «Քույրական գործ» բաժնի 203 և 207 խմբերի տասնհինգ ուսանողների համար քոլեջի ավագ գրադարանավար Լուսիկ Փափազյանը կազմակերպել էր էքսկուրսիա դեպի Ազգային գրադարանին կից գործող Գրատպության թանգարան: Էքսկուրսիան նվիրված էր տպագիր հայերեն առաջին գրքի՝ «Ուրբաթագրքի» 510-ամյակին:
Էքսկուրսիայի նպատակն էր ուսանողներին ծանոթացնել գրատպության պատմությանը, հետաքրքրություն սերմանել գրքերի, դրանց ընթերցանության և պահպանման նկատմամբ:
Էքսկուրսիայի ընթացքում ուսանողները մեծ հետաքրքրությամբ դիտեցին ցուցանմուշները, ունկնդրեցին էքսկուրսավարի գեղեցիկ հայերենով և շատ հետաքրքիր մատուցած տեղեկատվությունը։ Հատկապես տպագրական դազգահներն առաջացրեցին մեծ հետաքրքրություն, որովհետև բոլորն էլ առաջին անգամ էին լսում և տեսնում, թե ինչպես են տպագրվել և տպագրվում գրքերը:
Ուսանողները հարցեր ուղղեցին էքսկուրսավարին, ստացան սպառիչ պատասխաններ, լուսանկարվեցին նրա հետ և տպավորությունների մասին գրեցին այցելուների տպավորությունների մատյանում:
Ուսանողներն իրենց հետաքրքրասիրությամբ և վարքով լավ տպավորություն թողեցին թանգարանի աշխատակիցների վրա:
