«Դեղագետի կարիերան ՀՀ-ում և ՀՀ-ից դուրս» խորագրով դասընթաց

2023 թվականի մարտի 9-ին համագործակցության շրջանակներում Երևանի հենակետային բժշկական քոլեջի «Դեղագործություն» բաժնի 21 խմբի ուսանողները Դեղագործական առարկաների և դեղաբանության ամբիոնի վարիչ Մ. Շահնազարյանի և նույն ամբիոնի դասախոս Ա. Բեզոյանի ուղեկցությամբ «Եվրասիա» միջազգային համալսարանի Գիտական խորհրդի և Ֆարմացիայի ամբիոնի հրավերով մասնակցեցին «Եվրասիա» միջազգային համալսարանում կազմակերպված «Դեղագետի կարիերան ՀՀ-ում և ՀՀ-ից դուրս» խորագրով մեկօրյա տեսա-գործնական դասընթացներին։

Տեսական դասընթացի ավարտից հետո ուսանողները շրջայց կատարեցին կենսաբանության, անատոմիայի, քիմիայի լաբորատորիաներով, մասնակցեցին մի շարք փորձերի և հետազոտական աշխատանքների կատարմանը։

Հանդիպում տեղի ունեցավ նաև «Եվրասիա» միջազգային համալսարանի ռեկտոր Ս. Օհանյանի հետ, ջերմ մթնոլորտում քննարկվեցին համագործակցության լայն շրջանակներ և հանդիսավոր կերպով համագործակցության պայմանագիր կնքվեց Երևանի հենակետային բժշկական քոլեջի և «Եվրասիա» միջազգային համալսարանի միջև։