2022 թվականի դեկտեմբերի 18-ին «Երևանի հենակետային բժշկական քոլեջ»-ի Ուսանողական Խորհրդի «Բնապահպանական ակումբ»-ի անդամները մասնակցեցին «Պլոգգինգ Արմենիա»-ի կողմից կազմակերպված «Քրիստմաս Պլոգգինգ» ամանորյա միջոցառմանը, որի նպատակն էր՝ թեթև վազքի միջոցով մաքրել Երևանը։
Միջոցառմանը մասնակցում էին 60 հոգի, որոնցից 26-ը «Երևանի հենակետային բժշկական քոլեջ»-ի Ուսանողական Խորհրդի «Բնապահպանական ակումբ»-ի անդամներն էին։ Միջոցառման սկզբում բոլոր մասնակիցները խաղ-ծանոթության միջոցով ծանոթացան միմյանց հետ և սկսեցին բուն պլոգգինգի գործընթացը։ Պլոգգինգի մասնակիցները բաժանվեցին 2 թիմի՝ «Պլոգգինգ» և «Քրիստմաս», որը բնորոշում էր ամանորյա միջոցառման անվանումը։ Դրանից հետո մասնակիցներին տրվեցին ամանորյա գլխարկներ, սնունդ և անհրաժեշտ պարագաներ պլոգգինգի համար (ձեռնոցներ և աղբը հավաքելու համար ձողեր)։ Թիմի մասնակիցները պլոգգինգը սկսեցին Անգլիական այգում, որից հետո բաժանվեցին 2 ուղղություններով՝ «Պլոգգինգ» թիմի մասնակիցները Հանրապետության հրապարակի և Աբովյան փողոցի, իսկ «Քրիստմաս» թիմի մասնակիցները Հյուսիսային պողոտայի, Մեսրոպ Մաշտոց պողոտայի և Ամիրյան փողոցի շրջանում՝ թեթև քայլքի և վազքի միջոցով հավաքեցին աղբի թափոններ։ Պլոգգինգի ավարտը տեղի ունեցավ Ազատության հրապարակում։
Բոլոր մասնակիցներին կտրվեն օնլայն հավաստագրեր մասնակցության համար։
Նկարների սկզբնաղբյուրը` Plogging Armenia-ի ֆեյսբուքյան էջ
