2026թ. նոյեմբերի 3-ին Երևանի հենակետային պետական բժշկական քոլեջում տեղի ունեցավ «Ընկալման փոփոխություն. դասախոսների իրավունքների և հնարավորությունների ընդլայնում» թեմայով համագործակցային հանդիպում Երևանի N4 տարածքային մանկավարժահոգեբանական աջակցության կենտրոնի (Երևանի N4 ՏՄԱԿ) աշխատակից Մերի Սմբատյանի հետ։
Հանդիպման նպատակն էր բացահայտել նմանատիպ իրավիճակներում հայտնված մարդկանց ընկալման առանձնահատկությունները։
Մ․ Սմբատյանը սահիկաշարի միջոցով ներկայացրեց կրթական միջավայրում ներառման և ինտեգրման առանձնահատկությունները՝ ընդգծելով անհատականացված մոտեցման կարևորությունը, անդրադարձ կատարեց հոգեբանական աջակցության տրամադրման մեթոդներին և ընթացակարգերին։
Հանդիպման ընթացքում իրականացվեցին գործնական և խմբային աշխատանքներ, կարևորվեցին ուսումնական գործընթացի հարմարեցման, կրթական հնարավորությունների հավասար հասանելիության ապահովման և ուսանողների անհատական զարգացմանը նպաստելու հարցերը։
ԵՀՊԲՔ-ի և Երևանի N4 ՏՄԱԿ-ի համագործակցությունը կկրի շարունակական բնույթ։ Առաջիկայում նախատեսվում են նոր հանդիպումներ, սեմինարներ և աշխատաժողովներ՝ նպատակ ունենալով նպաստել ուսանողների կրթական, հոգեբանական և սոցիալական լիարժեք ներառմանը քոլեջի միջավայրում։

