Հանդիպում համագործակցության շրջանակում

2025 թ. սեպտեմբերի 9-ին Երևանի հենակետային պետական բժշկական քոլեջում տեղի ունեցավ համագործակցային հանդիպում «Ալֆա-Ֆարմ» դեղատնային ցանցի ներկայացուցիչների հետ։ Հանդիպման ընթացքում ներկայացվեց «Ստացիր կրթաթոշակ և կառուցիր կարիերադ «Ալֆա-Ֆարմ»-ում» ծրագիրը, որի նպատակն է՝

• ✧ «Դեղագործություն» բաժնի ավարտական կուրսի ուսանողներին ներգրավել տեսական և գործնական դասընթացներին,
• ✧ կրթաթոշակ ստացող ուսանողներին ապահովել աշխատանքով ՀՀ ամենամեծ դեղատնային ցանցում։

Հանդիպման մասնակիցներին ներկայացվեցին նաև ուսանողներին աջակցող մի շարք նախաձեռնություններ։

Նշենք, որ 2025թ․ ամռանը «Ալֆա-Ֆարմ»-ի ուսումնական կենտրոնը կազմակերպել էր երկշաբաթյա «Ամառային դպրոց», որին մասնակից ԵՀՊԲ քոլեջի ուսանողները բարձր էին գնահատել ծրագրի բովանդակությունն ու կազմակերպչական մակարդակը։