2023թ. դեկտեմբերի 26-ին Երևանի հենակետային բժշկական քոլեջի «Հանրակրթական ծրագրով բաժնի» 117 խմբի ուսանողները «ՆԶՊ և անվտանգ կենսագործունեություն» առարկայի «Անվտանգ կենսագործունեություն» բաժնի ուսումնասիրության շրջանակներում դասախոս Ա. Կարապետյանի և «Լեզուների, հասարակագիտական, հանրակրթական առարկաների» ամբիոնի վարիչ Ս.Տորտիկյանի ուղեկցությամբ այցելեցին ՀՀ ՆԳՆ փրկարար ծառայության Երևան քաղաքի փրկարարական վարչության թիվ 8 հրշեջ-փրկարական ջոկատ:
Այցելության նպատակն էր ծանոթանալ փրկարարական, հրշեջ-փրկարարական, անհետաձգելի վթարավերականգնողական աշխատանքներին և մասնագիտական փրկարարական գործիքներին, անհատական պաշտպանության միջոցներին, ինչպես նաև ծառայության առօրյային:
Համապատասխան դասընթացից և ուսանողների հարցերին պատասխանելուց հետո օրվա հերթափոխի պատասխանատուն ցուցադրեց պարանային կապերի ձևերը։
Գործնական աշխատանքը հնարավորություն տվեց ուսանողներին մոտիկից ծանոթանալ փրկարարական տեխնիկայի, փրկարարական աշխատանքների համար նախատեսված գործիքների հնարավորություններին, ինչպես նաև համազգեստ կրելուն և ծառայության անցկացմանը, ծառայության անցնելու կարգին, միջանձնային հարաբերություններին առնչվող մանրամասներին:
Դեկտեմբերի 27, 2023թ.
