2026թ. փետրվարի 6-ին Երևանի հենակետային պետական բժշկական քոլեջի «Ատամնատեխնիկական գործ» բաժնի 21-րդ խմբի ուսանողները և դասախոսները, նպատակ ունենալով խորացնել իրենց տեսական գիտելիքները և կատարելագործել գործնական հմտությունները՝ արդիական տեխնոլոգիաների կիրառմամբ, մասնակցեցին Ֆրանս-հայկական մասնագիտական ուսումնական կենտրոն հիմնադրամում (CEPFA) տեղի ունեցած «Մետաղ-կերամիկական պսակների պատրաստման տեխնիկա» խորագրով մասնագիտական սեմինարին։
Սեմինարի ընթացքում, փորձառու դասախոսների ղեկավարությամբ, ուսանողները կատարեցին գործնական աշխատանքներ, ծանոթացան մետաղ-կերամիկական պսակների պատրաստման փուլերին, կիրառվող նյութերին և տեխնիկական նրբություններին։
Քննարկվեցին նաև մետաղ-կերամիկական պսակների առավելություններն ու թերությունները, կիրառման հնարավորությունները և դրանց դերը ժամանակակից ատամնատեխնիկական պրակտիկայում։
Միջոցառումը նպաստեց ուսանողների մասնագիտական զարգացմանը, փորձի փոխանակմանը և կրթության ու գործնական գործունեության միջև կապի ամրապնդմանը։
